موجودہ دور میں بہت سارے فتنوں کے ساتھ جِن و شیاطین,نظر بد اور جادو ٹونا کی دہشت و خوف کو فرضی راقیوں اور پیشہ ور باباؤں کے ذریعے عام کیا گیا,اور اسکے لیے نت نئے طریقے نکالے گئے,جبکہ یہ ہر دور کا مسئلہ رہاہے۔حقیقت یہ ہے کہ ان فتنوں سے بچنے اور نکلنے کا وہی طریقہ صحیح اور موثر ہے جسے قرآن و سنت نے دیا ہے۔مگر افسوس کی بات ہے کہ شیاطین کے اثرات ,نظر بد و سحرکے لیے امت میں غیر مسلموں تک کا طریقہ اور دورِ جاہلیت کی روش عام ہے۔
زیر نظر کتاب میں رقیہ کے نام پر کی جانے والی منکرات , فرضی راقیوں کے ہتھکنڈوں کو بیان کرنے کے ساتھ ہی اس تعلق سے صحیح طریقہ علاج کی طرف رہنمائی کی گئ ہے۔